İlk  turda səfərdə “İnter”lə qarşılaşacaq komandamız bu gün sonuncu yoxlama görüşünü keçirdi. Tovuz şəhər stadionunda Gürcüstan təmsilçisi “Zoovet”lə matçda başdan sona  üstün oyun nümayiş etdirən “Turan” meydandan 4:0 hesablı qələbə ilə ayrıldı. Komandamızdan qolları Sergey Artyux, Georgi Beriaşvili, Yasin Abbasov və Martin Kerçev rəqib qapısından keçirdilər.

Hazırlığın 2-ci mərhələsini Gürcüstanda başa vuran komandamız 2 günlük istirahətdən sonra bu gün Tovuzda yenidən bir araya gəlir.  Əsgər Abdullayevin rəhbərliyi altında komanda saaat 19:30 məşqə çıxacaq. Gürcüstan hazırlıqları dönəmində komandaya qoşulan serbiyalı müdafiəçi Aleksand Dublyeviç və portuqailyalı Muhamadu Travalenin də bu günkü məşqdə iştirakı gözlənilir. Qeyd edək ki Tiflisdəki son yoxlama oyununda  ”Qaqra”yla ikinci görüşdə də 2:2 hesabı qeydə alınmışdı.

Gürcüstanda hazırlıqlarını davam etdirən “Turan” bu gün növbəti görüşünü keçirib. Bu dəfəki rəqib Fil Dişi sahilindən Gürcüstana baxışa gələn futbolçulardan ibarət komanda idi.  Bu görüşdə daha üstün oynayan komandamız 2:1 hesablı qələbə qazandı. Qolları Sergey Artyux və Dmitri Parxaçov rəqib qapısından keçirdi. Komandamız növbəti görüşünü ayın 22-də keçirəcək.

Gürcüstanda təlim-məşq toplanışının ilk günündə komandamız “Qaqra” ilə yoxlama görüşündə qüvvəsini sınadı. Oyunun ilk dəqiqələrində rəqib 2-0 hesabə ilə önə keçsə də “Turan” tarazlıq yaratmağa nail oldu. Georgi Beriaşvilinin dublu ürcüstanın iddialı komandalarından “Qaqra” ilə oyunda məğlubiyyətdən xilas etdi. Bunda başqa Beriaşvili, Aleksandr Qoqoberişvili, Dmitri Parxaçov, Namiq Əliyev, Ramal Hüseynovun dafəqlənmək üçün əlverişli imkanları olsa da oyun 2-2 hesabı ilə başa çatdı. Bu gün bir məşqlə kifayətlənəcək komandamız sabah növbəti younunu keçirəcək.

BU GÜN “TURAN”IN YARADICILARINDAN, HAZIRDA KOMANDANIN RƏİSİ VƏZİFƏSİNDƏ ÇALIŞAN İMAN HƏSƏNOVUN DOĞUM GÜNÜDÜR. BU MÜNASİBƏTLƏ İMAN BƏYİ ÜRƏKDƏN TƏBRİK EDİRİK. “TURAN”LA YENİ ÇEMPİONLUQ YAŞAMASINI, ŞƏXSİ HƏYATINDA UĞURLAR, CAN SAĞLIĞI ARZULAYIRIQ. MİN YAŞA!!!

“Çempionatın 100 ən çox oyun keçirən futbolçusu” siyahısında il ərzində 30 futbolçu yaşıl meydanda olub ki, onlardan 6-ı cədvələ yeni qədəm qoyub. “Köhnələr”dən isə ən böyük irəliləyişə Ceyhun Sultanov nail olub – 29 pillə:

 1.(1).Mahmud Qurbanov (“Bakı”)                    403
 2.(2).Aslan Kərimov (“Qarabağ”)                       382                    
5.(6).Azər Məmmədov (“Gəncə”)                     348          
 6.(5).Kənan Kərimov (“Gəncə”)                  327
15.(16).Samir Musayev (Simurq)                    288                             
19.(22).Xaqani Məmmədov (“Xəzər-L”)           274                
23.(28).Yaşar Abuzərov (“Qəbələ”)                 265                
26.(36).Rauf Mehdiyev (“Neftçi”)                    261               
29.(40).Zaur Həşimov (“Qarabağ”)                 254               
31.(35).Emin İmaməliyev (“Qarabağ”)             251           
32.(47).Samir Əliyev (“Simurq”)                     251                   
39.(46).Elmar Baxşıyev (Neftçi)                      240 
41.(61).Alim Qurbanov (Xəzər-L)                    238                
42.(52).Rəfael Əmirbəyov (“Bakı”)                 237               
45.(48).Fərrux İsmayılov (“Muğan”)                235              
52.(55).Namiq Əliyev (“Qəbələ”)                     229                        
 53.(81).Rəşad Abdullayev (“Neftçi”)                227         
  54.(83).Ceyhun Sultanov (“Gəncə”)          227                     
57.(54).Ayxan Abbasov (Qarabağ“)        226            
73.(73).Aftandil Hacıyev (“Qarabağ”)              211                
  74.(94).Cahangir Həsənzadə (AZAL)          211                              
76.(95).Elşən Məmmədov (“Muğan”)               208           
 77.(-).Rəşad Sadiqov (“Qarabağ”)                  207                                                                    
79.(79).Emin Quliyev (“Simurq”)                      205                          
89.(91).Ramin Quliyev (“Qəbələ”)                   196                          
91.(-).Fərhad Vəliyev (“Qarabağ”)                   193                                 
97.(-).Vasif Haqverdiyev (“Gəncə”)                 190
99.(-).Samir Abasov (“Qarabağ”)                    188                     
 100.(-).Elşən Poladov (AZAL)                               187
101.(-).Ramal Hüseynov (“Gəncə”)                 187

      RASİM ƏLİYEV

“Çempionatın 100 ən çox oyun keçirən futbolçusu” siyahısında son tur 9 futbolçu meydanda olub. Onlardan Rəşad Abdullayev daha çox – 3 pillə irəliləyib. Ən diqqətçəkən məqam siyahıya yeni futbolçunun – Ramal Hüseynovun da adının daxil olması olub:

1.(1).Mahmud Qurbanov (“Bakı”)                  404

23.(23).Yaşar Abuzərov (“Qəbələ”)                266

26.(26).Rauf Mehdiyev (“Neftçi”)                  261

41.(42).Alim Qurbanov (“Xəzər-L”)               238

54.(57).Rəşad Abdullayev (“Neftçi”)              227

74.(74). Cahangir Həsənzadə (AZAL)             211

77.(78).Rəşad Sadiqov (“Qarabağ”)                207

91.(92).Fərhad Vəliyev (“Qarabağ”)               193

100-101.(-).Ramal Hüseynov (“Gəncə”)        187 

“Çempionatın 100 ən çox qol vuran futbolçusu” siyahısında cəmi 2 futbolçu fərqlənə bilib. Onlardan Yaşar Abuzərov daha çox – 3 pillə irəliləyə bilib:

28.(28).Georgi Adamiya (“Qarabağ”)             53

68.(71).Yaşar Abuzərov (“Qəbələ”)                29

“Ən çox oyunda qol buraxmayan 100 qapıçı” siyahısında isə yalnız 1 qapıçı – Georgi Lomaya fərqlənib:

47.(49).Georgi Lomaya (“İnter”)                     18

Son turda da bir sıra yaddaqalan məqamlar baş verib:

-AZAL-“Qarabağ” qarşılaşmasında ağdamlılar Premyer Liqada 500-cü oyununu keçirdiyi halda, “Neftçi”-“Xəzər L” qarşılaşmasında  lənkəranlılar səfərdə 100-cü oyununu keçirdi..

-“Qəbələ”-“Muğan” qarşılaşmasında qəbələlilər Premyer Liqada 50-ci qələbəsini qazandılar.Murad Hüseynovun qolu Davud Kərimini məyus edən 150-ci qol oldu.Bu oyunda Ravi Rəhmanov 50-ci oyununu keçirdi.

-MOİK-“Turan” qarşılaşmasında Azər Məmmədovun qolu hərbçilərin Premyer Liqada qapısına vurulan ümumilikdə 450-ci, ev oyunlarında isə 200-cü qol oldu.

-“Bakı”–“İnter” qarşılaşmasında Vaqif Cavadov 100-cü Bəxtiyar Soltanov isə 50-ci oyununu keçirdi

- Son turda “Gəncə”nin heyətində  7, “Turan”ın heyətində 6 futbolçu debüt etdi

RASİM ƏLİYEV

Yeni baş məşqçi axtarışlarını davam etdirən klub rəhbərliyi Əsgər Abdullayevlə razılığa gəlib. Bu saatlarda “Turan” PFK-nın prezidenti Musa Süleymanovla  tanınmış mütəxəssis arasında görüş keçirilib və razılıq əldə olunub. Baş məşqçi ilə bir illik müqavilə imzalanıb. Vaxtilə millimizi çalışdırmış Əsgər Abdullayev “Bakı”, AZAL kimi iddialı komandaların da başında olub . Yaxın günlərdə növbəti mövsümün planları haqda ətraflı məlumat veriləcək.

  “Çempionatın 100 ən çox oyun keçirən futbolçusu” siyahısında yer alan futbolçulardan yalnız 8-i meydanda olub. Onlardan Ceyhun Sultanov və Fərhad Vəliyev daha çox – 3 pillə irəliləyib:

 1.(1).Mahmud Qurbanov (“Bakı”)                  403

 5.(5).Azər Məmmədov (“Gəncə”)          348

 23.(23).Yaşar Abuzərov (“Qəbələ”)                265

 53.(56).Ceyhun Sultanov (“Gəncə”)               227

 57.(58).Rəşad Abdullayev (“Neftçi”)              226

 74.(74). Cahangir Həsənzadə (AZAL)             210

 78.(79).Rəşad Sadiqov (“Qarabağ”)                206

 92.(95).Fərhad Vəliyev (“Qarabağ”)               192  

 “Çempionatın ən çox qol vuran 100 hücumçusu” siyahısında isə yalnız Georgi Adamiya fərqlənsə də, o, bu işin öhdəsindən artıqlaması ilə gələrək, 4 pillə önə keçib:

  28.(32).Georgi Adamiya (“Qarabağ”)             52

 “Daha çox oyunda qol buraxmayan 100 qapıçı” siyahısında isə 7 qapıçı aktivinə daha bir “quru oyun”əlavə edib. Daha böyük sıçrayış isə Elnar Kərimovun aktivinə yazılıb:

   5.(5).Cahangir Həsənzadə (AZAL)                  92

 9.(9).Fərhad Vəliyev (“Qarabağ”)          77

 28.(28).Pavel Dorosevs (“Qəbələ”)                 27

 42.(45).Davud Kərimi (“Muğan”)                   19

 49.(51).Georgi Lomaya (“İnter”)                     17

 53.(55).Kamal Bayramov (“Turan”)               14

 93.(103).Elnar Kərimov (“Qəbələ”)                  5

 “Əvəzolunmadan ardıcıl oyunlar seriyası”nda cuzi dəyişiklik baş verib. Belə ki, 17 oyunla 3-cü pillədə qərarlaşan Amil Ağacanov öz yerini təhvil verib. Cədvələ isə Milan Antiç yenicə qoşulub:

 1.Ansi Aqolli (“Qarabağ”)                         29                          
2.Volodimir Levin (İnter)                            20                           
3.Vurğun Hüseynov (“Turan”)                  15                          
4.Ştiv Olfers (“Qəbələ”)                           12                              
5.Admir Teli (“Qarabağ”)                              12                              
6.Stefan Bates (“Bakı”)                               12                              
7.Miloş Zeçeviç (“Muğan”)                      12                           
8.Milan Antiç (“Qəbələ”)                               10

 Bu turda da yaddaqalan məqamlar kifayət qədər baş verib:

  -“Qarabağ” – “Neftçi” qarşılaşmasında Georgi Adamiyanın vurduğu 1-ci qol, gürcü legionerin milli çempionatda 50-ci qolu oldu. Həmin oyunda Ruslan Əmircanov Premyer Liqada 150-ci, Vüqar Nadirov isə, “Qarabağ”ın heyətində 100-cü  oyununu keçirdi

 -“Xəzər-L” – “Bakı” qarşılaşması lənkəranlıların Premyer Liqada 200-cü, evdə isə 100-cü oyunu oldu.

 -“Muğan” – MOİK qarşılaşmasında Con Pelunun vurduğu qol, hərbçilərin səfərdə qapısına vurulan 250-ci qol oldu. Həmin oyunda Taqim Novruzov və Nizami Hacıyev 100-cü oyununu keçirdi.                       

 -“İnter” – AZAL oyununda isə, Branislav Çervenko 100-cü oyununu keçirdi

                                                          RASİM ƏLİYEV